“இனிமே இப்படி நடந்தா அவ்வளவுதான்” – விகடன் குழுமத்தை எச்சரித்த சாய் பல்லவி

தென்னிந்தியாவின் முன்னணி நடிகை

நடிகை சாய் பல்லவி “பிரேமம்” திரைப்படத்தின் மலர் டீச்சராக ரசிகர்களிடம் அறிமுகமாகி இளைஞர்களின் மனதை கொள்ளைக்கொண்டவர். அதனை தொடர்ந்து பல திரைப்படங்களில் சவாலான பல கதாபாத்திரங்களை தைரியமாக தேர்ந்தெடுத்து நடித்து தற்போது தென்னிந்தியாவின் ஒரு முன்னணி நடிகையாக திகழ்ந்து வருகிறார் சாய் பல்லவி.

இந்து ரெபேகா வர்கீஸ்

சமீபத்தில் சிவகார்த்திகேயனின் “அமரன்” திரைப்படத்தில் கதாநாயகியாக நடித்திருந்தார் சாய் பல்லவி. நாட்டுக்காக உயிர் நீத்த ராணுவ அதிகாரியான முகூந்த் வரதராஜனின் வாழ்க்கை வரலாற்று திரைப்படமான இதில் சாய் பல்லவி, முகூந்த் வரதராஜனின் மனைவியான இந்து ரெபேகா வர்கீஸாக நடித்திருந்தார். இக்கதாபாத்திரத்தில் மிகவும் உணர்ச்சிகரமான நடிப்பை வெளிப்படுத்தி ரசிகர்களின் மனதை கட்டிப்போட்டார்.

எச்சரிக்கை

“அமரன்” திரைப்படத்தை தொடர்ந்து சாய் பல்லவி பாலிவுட்டில் “ராமாயணம்” திரைப்படத்தில் சீதையாக நடித்து வருகிறார். இந்த நிலையில் விகடன் குழுமம் தனது சமூக வலைத்தளப் பக்கத்தில் சாய் பல்லவி “ராமாயணம்” படப்பிடிப்பு முடியும் வரை அசைவ உணவுகளை தொடுவதில்லை என்று ஒரு செய்தியை பதிவிட்டிருந்தது.

இந்த செய்தி சமூக வலைத்தளங்களில் மிகவும் வைரலாக நடிகை சாய் பல்லவி தற்போது இது குறித்து தனது “X” பக்கத்தில் பகிர்ந்துகொண்டுள்ளார். அதில் அவர், “என்னை பற்றி வதந்திகள் பரப்பப்படும்போதெல்லாம் நான் பெரும்பாலான நேரங்களில் அமைதியாக இருந்துவிடுவேன். ஆனால் என்னை பற்றி தவறான செய்திகள் தொடர்ந்து பரப்பப்பட்டுக்கொண்டு வருகின்றன. குறிப்பாக என்னுடைய திரைப்படங்கள் வெளியாகும்போது இது தொடர்ந்து நடந்துகொண்டு இருக்கிறது. இனி வரும் காலங்களில் எந்த ஒரு ஊடகமோ அல்லது தனி நபரோ என்னை பற்றி தவறான செய்திகளை பரப்பினால் சட்டப்படி நடவடிக்கை எடுக்க தயங்கமாட்டேன்” என எச்சரித்துள்ளார். தற்போது சாய் பல்லவியின் இந்த எச்சரிக்கை பதிவு இணையத்தில் வைரல் ஆகி வருகிறது. சாய் பல்லவி தான் எப்போதும் சைவ உணவு முறையை கடைப்பிடிப்பவர் என பல பேட்டிகளில் கூறியுள்ளது குறிப்பிடத்தக்கது.

Most of the times, Almost every-time, I choose to stay silent whenever I see baseless rumours/ fabricated lies/ incorrect statements being spread with or without motives(God knows) but it’s high-time that I react as it keeps happening consistently and doesn’t seem to cease;… https://t.co/XXKcpyUbEC

— Sai Pallavi (@Sai_Pallavi92) December 11, 2024

விஜய் படத்துக்குலாம் No சொல்லிட்டேன், 10 படத்துக்கு மியூசிக் போடவேண்டியது, ஆனா- உண்மையை உடைத்து பேசிய ஹாரிஸ் ஜெயராஜ்