ரசிகர்களுடன் சேர்ந்து குதூகலமாக விடாமுயற்சியை கண்டுகளித்த திரிஷா … வைரல் வீடியோ

வெளியானது விடாமுயற்சி

மகிழ் திருமேனி இயக்கத்தில் அஜித்குமார் நடித்த “விடாமுயற்சி” திரைப்படம் இன்று உலகமெங்கும் வெளிவந்துள்ளது. இதில் அஜித்துக்கு ஜோடியாக திரிஷா நடித்துள்ள நிலையில் அர்ஜூன், ரெஜினா கஸண்ட்ரா, ஆரவ் உள்ளிட்டோர் முக்கிய கதாபாத்திரங்களில் நடித்துள்ளனர். கிட்டத்தட்ட இரண்டு ஆண்டுகள் கழித்து அஜித் திரைப்படம் வெளியானதால் ரசிகர்கள் பலரும் உற்சாகத்துடன் இத்திரைப்படத்தை பார்க்க காத்துக்கொண்டிருக்கின்றனர். இன்று காலை 9 மணி சிறப்பு காட்சிக்கு தமிழக அரசு அனுமதி அளித்திருந்த நிலையில் தமிழகத்தின் பல திரையரங்குகளில் காலை காட்சி கூட்டத்தால் கலைகட்டியது. 

ரசிகர்களுடன் படம் பார்த்த திரிஷா

இந்த நிலையில் சென்னையில் அமைந்துள்ள வெற்றி திரையரங்கத்தில் இன்று காலை ரசிகர்களுடன் சேர்ந்து “விடாமுயற்சி” திரைப்படத்தை கண்டுகளித்தார் திரிஷா. இவருடன் ரெஜினா கஸண்ட்ராவும் திரைப்படத்தை கண்டுகளித்தார். இவர்கள் ரசிகர்களின் ஆரவாரத்திற்கு மத்தியில் தென்பட்ட வீடியோ இணையத்தில் வைரல் ஆகி வருகிறது.  

பத்திரிக்கையாளர் கேட்ட கேள்வியால் கடுப்பான வாணி போஜன்! அப்படி என்ன கேள்வி கேட்டிருப்பாங்க?